Добрая справа
7 снежня ў Сінькоўскай школе было весела і шумна. Школа вітала сяброў у межах адкрыцця дабрачыннай акцыі “Нашы дзеці”. У рамках мерапрыемства ладзіўся кірмаш-продаж “Новы год збірае сяброў”, які аб’яднаў навучэнцаў 1-11 класаў, педагогаў і бацькоў. Усе загадзя вельмі пастараліся: падрыхтавалі розныя вырабы з садавіны, агародніны, іншых прыродных матэрыялаў. А колькі смачных і арыгінальных кандытарскіх вырабаў было прыгатавана навучэнцамі разам з бацькамі да кірмашу!Гасцей мерапрыемства шчыра віталі смачным караваем, беларускімі песнямі і танцамі. Сярод запрошаных былі старшыня Сінькоўскага сельсавета, Пачыкоўскі С.А.,галоўны спецыяліст па ідэалагічнай рабоце Шаўлюк С.М. Мерапрыемства працягваў музычны канцэрт, падрыхтаваны навучэнцамі і педагогамі школы. Са словамі прывітання і падзякі да ўсіх звярнулася дырэктар установы адукацыі Дунай А.А., падкрэсліўшы, што “Дапамагаць і супрацоўнічаць, быць разам, ладзіць вялікія дабрачынныя мерапрыемствы - наш дэвіз. І мы рады, што нас у гэтым усе падтрымліваюць”. Са сцэны гучалі песні, цёплыя словы пра дабрыню і міласэрнасць. Лепшых вучняў, пераможцаў прадметных алімпіяд і канферэнцый узнагародзіў падарункамі старшыня Сінькоўскага сельсавета Пачыкоўскі С.А. Свята закончылася запальваннем святочнай ілюмінацыі.
Акцыя будзе доўжыцца цэлы месяц. Таму зрабіць добрую справу кожнаму з нас часу хопіць.
Намеснік дырэктара па выхаваўчай рабоце В.С. Ільіна
 |
 |
 |
 |
 |
 |
